Ақтөбеде Армениядан әкелінген 403 көлік тіркелді. Бұл көліктер Қазақстан аумағына биыл 1 ақпанға дейін кіргізілген. Рөлі сол жақта орналасқан көлік құралдарын тіркеу бірінші маусымда басталды. Көліктерді тіркеу құны 11 мың 979 теңге. Бұл шара бірінші қыркүйекке дейін жалғасады. Ал рөлі оң жақта орналасқан көліктер тіркеуге алынбайды. Қазақстанда оң жақтағы рөлі бар көліктерге тыйым салынған. Көлік құралдарын тіркеу үшін иелеріне жеке куәлік, алым мен баж салығын төлегені туралы, көлікті тіркеу туралы куәлік және Арменияның уәкілетті органдарында берілген мемлекеттік тіркеу нөмірін ұсыну қажет. Сондай-ақ құжаттар мемлекеттік немесе орыс тіліне аударылып, нотариуспен расталуы тиіс. Егер автокөлік оң рульді болса, арнайы орталықтың қауіпсіздік сертификаты қажет. Армениядан әкелінген көлік құралдарын тіркеу ережелерін түсіндіру үшін полиция департаментінде Call-орталығы жұмыс істейді. 525-100 телефоны бойынша қоңырау шалып, кеңес алуға болады. 1-маусымнан бері 1,6 мыңнан астам азамат мамандардан кеңес сұраған. Полиция қызметкерлерін алаңдатып отырған тағы бір мәселе - бұрын жүргізуші куәлігінен айырылғандардың көлікті мас күйінде басқаруды қоймай отырғаны. Үш күн ішінде мұндай үш жүргізуші ұсталды. Биыл қаңтар айынан бастап көлікті ішімдік ішіп айдағандарға жаза қатаңдатылды. Соған қарамастан мас болса да рөлден түспейтіндер азаймай отыр.