Қара отынның құны қанша?

Жылыту маусымы таяған шақта облыста отын қоры алдын ала қамдалып, қажетті көлемде жеткізіледі. Облыстық энергетика және тұрғын үй коммуналдық шаруашылық басқармасы өкілдерінің сөзінше, бюджеттік ұйымдардың қалыпты жұмысын қамтамасыз ету үшін 20 754 тонна көмір мен 1 246 тонна дизель отыны толық көлемде жеткізілген. Халыққа арналған көмір қоры да назардан тыс қалған жоқ. Биыл тұрғындарға қажетті 19 187 тонна көмір толық таратылып, өңірдің елді мекендеріне жеткізілді. Қазіргі таңда көмірдің бағасы тоннасына 19 500 теңгеден 26 500 теңгеге дейін жетеді. Баға көмірдің сапасына қарай әртүрлі. Қара отынның негізгі бөлігі Шұбаркөл кенінен жеткізіледі. Өңірдегі көмір тұйықтарында қосымша қор да жасақталған. Атап айтқанда, 41-разъезде 320 тонна, Байғанин ауданында 69 тонна көмір сақтаулы. Бұл — қыс мезгілінде туындауы мүмкін сұранысты дер кезінде өтеу үшін қарастырылған резерв. Серіктестік өкілінің сөзінше, соңғы уақытта көмір құны артқан. Кеше өңірімізге отынның соңғы партиясы жеткізіліпті. Облыстық энергетика және тұрғын үй коммуналдық шаруашылық басқармасы өкілдері жылыту маусымы наурызда аяқталады дейді. Оған дейні барлық барлық қажетті шаралар қабылданған.
Количество показов: 7
Дата создания: 03.02.2026 05:47:41