Антибиотик: пайда ма, зиян ба?
Антибиотик. Осы медициналық терминді қазір көп естіп жүрміз. Ауыра қалса, дәрігер антибиотик тағайындаса да, тағайындамаса да дәріханаға жүгіріп, ала салатындар қатары көбейген. Қазір пайдасы мен зияны қатар жүретін дәрілік препаратты дұрыс пайдалану жөнінде әлем дәрігерлері жетемізге жеткізуге тырысып жатыр. Бүгін қаламызда “Антибиотиктерді тиімді басқару: зерттеуден енгізуге дейін” тақырыбында халықаралық ғылыми-практикалық конференция өтті. Сәл ауырса, антибиотикке жүгіретін тұрғындар қатары артты. Тіпті, дәрігердің тағайындауынсыз балаларын немесе өздерін емдейтіндер көп. Осыған орай, бүгін шаһарда Дүниежүзілік денсаулық сақтау ұйымы жариялаған антибиотиктерді дұрыс қолданудың Дүниежүзілік апталығы аясында ғылыми-практикалық конференция өтіп жатыр. Аққағаз Досжанова атындағы конференц холлға түрлі елдердің жетекші мамандары жиналды. Тақырып өте өзекті: антибиотиктерді қалай тиімді басқаруға болады — ғылыми мәліметтерден бастап медициналық тәжірибеге нақты енгізуге дейін. Негізгі мақсат - медициналық қауымдастыққа және аймақ тұрғындарына тағы еске салу. Біз антибиотикті дұрыс пайдаланып жүрміз бе? Оны қандай жағдайда қолдануымыз қажет? Мысалы егер қазір бактерияға қарсы препараттарды дұрыс тағайындамасақ және қолданбасақ, ертең әдеттегі инфекцияларды емдей алмай қалуымыз мүмкін,- дейді ақ халаттылар. Сондықтан антибиотиктерді шамадан тыс қолдануға болмайды. Ол тек дәрігердің кеңесімен ғана тағайындалуы тиіс. Шара аясында дәрістер, шеберлік сағаттар өткізілді, нақты клиникалық жағдайлар талқыланды. Конференцияға медициналық ұйымдардың басшылары, түрлі мамандықтағы дәрігерлер, оқытушылар, жас мамандар мен студенттер қатысты. Сонымен қатар конференцияда Мәскеу, Астана, Алматы, Қарағанды қалаларының ғалымдары мен сарапшылары тәжірибелерімен бөлісті. Швейцария мен Нидерландыдан access Medicine және Access Pharmacy халықаралық баспаларының өкілдері келді. Олар заманауи цифрлық ресурстарды "инновациялық медициналық порталға есік" түрін ұсынды.Количество показов: 10
Дата создания: 21.11.2025 09:02:08
