Донор болу – ол өзгенің өмірін сақтау. Яғни, қан тапсырып, сіз бір немесе одан да көп адамды өлімнен құтқарып қаласыз. Облыстық қан орталығы Ақтөбе облысындағы 29 медициналық ұйымды 100% қанмен қамтамасыз етіп отыр. 2023 жылы 17 163 доза қан сұраныс бойынша жергілікті ауруханаларға жеткізілген. Қан қарапайым адамдардан алынады. Бірқатар медициналық тексерулерден өткеннен кейін донор болам деушілердің тізімін аурухана жібереді. Ол тізім қан орталығына түскенннен кейін ғана донор орталыққа келіп қан тапсыра алады. Күніне шамамен 50-ге жуық адам қан тапсыруға ниет білдіріп келеді.Әбдіхамит Рахманов тұрақты длнорлардың бірі. Қан тапсырып, өзгелерге үміт сыйлап жүргеніне 15 жыл болған. Жылына бірнеше рет тапсыратынын айтады. Кейде орталықтан хабарласып, қан қажет екендігін айтады. Ілезде жетіп келемін, дейді кейіпкеріміз. Қан тапсырған жақсы, қаншама адамның денсаулығын жақсартуға септігіміз тиеді. Дені сау, қан мөлшері жеткілікті, ағзасында еш кінәраты жоқ әр азамат қан тапсырса-өлім-жітім азаяды деген пікірде. Орталық дәрігерінің айтуынша, теріс топтағы қанға сұраныс жоғары. Әзір қорда тапшылық жоқ. Уақытында ауруханаларды кез-келген қан тобымен қамтамасыз етіп отырмыз. Айта кетейік, қан алынбас бұрын донордың денсаулығы егжей-тегжейлі тексеріледі. Егер еш кінарат болмаса, қан алынады.