"Қазгидромет" орталығы елдің батысында аптап ыстық болатынын ескертті. 4-5 шілде күндері Атырау және Ақтөбе облыстарында қатты ыстық болады. Синоптиктердің болжамынша , ертең және арғы күндері өңіріміздің кей аудандарында ауа температурасы +45 градусқа дейін көтеріледі.
Атмосфералық фронттардың өтуіне байланысты еліміздің басым бөлігінде тұрақсыз ауа райы сақталады. Жаңбыр жауып, найзағай ойнайды, жел күшейеді. Бұршақ жаууы мүмкін. Синоптиктердің болжауынша, шілденің 4-5 күндері Ырғыз, Шалқар аудандарында ауа температурасы +45 градусқа дейін көтеріледі. Қала бойынша, түнде +22 +23 градус, күндіз +35+38 градус ыстық сақталады. Синоптиктер бұған циклонның белсенділігі себеп дейді. Аптап ыстық әсіресе, жүрек-қан тамырлары ауруларына шалдыққандарға қиын. Соңғы екі тәуліктің ішінде Ақтөбе темір жол ауруханасына егде жастағы 3 адам жеткізілген. Үшеуінің де қан қысымы жоғары, әрі гипертензиямен есепте тұрғандар. Дәрігерлер, тұрғындарға далада бас киімсіз жүрмеуге, суды көп ішуге кеңес беріп отыр. Балалар мен зейнеткерлердің үйден шықпағаны абзал.