Қаланы қардан тазартуға 100- ге тарта арнайы техника жұмылдырылды. Көлік жолдары аршылып болып қалды. Енді жұмысшылар жаяу жүргіншілерге арналған тротуарларды тазартып, жол жиектеріне үйілген қарларды алады. Бүгін қала әкімдігінің жауапты мамандары осындай мәлімдеме жасады. 18-ші ақпаннан бері қар қаланы төпелеп тұр. Содан бері жолдарды, тротуарларды тазарту жұмыстары өзекті тақырыпқа айналды. Техникалар әрі тартса, бері жетпей жатыр. Жұмысшы қолы да жеткіліксіз. Оны облыс орталығында қалыптасып отырған жағдайдан байқауға болады. Жұмыс күші орталық даңғылдардың өзінен артылмай қойды. Көлік, жаяу жүргіншілер жолдарының күтіміне 11 мердігер компания жауапты. Олардың 100 ден астам арнайы техникалары бар. Қала сыртындағы елді мекендерде жол тазалау жұмыстарына 30 техника жіберілген. Мәскеу мен Құрмыш және Сүт зауыты аудандарының тұрғындары көктемде үйіміз суға кетуі мүмкін деп дабыл қаға бастағыны белгілі. Өйткені көшелерді жауапты мекеме жұмысшылары қардан дер кезінде тазартып отырмаған. Мердігер мекемелер іске енді кіріскен сияқты. Сау басу қаупі жоғары аудандардағы қарды қала сыртына шығаруға 13 бригада жұмылдырылып отыр. Айтылған сынға жауапты мамандардың да жауабы дайын. Қар үсті-үстіне жауап жатқандықтан, бір тазартқан көшені бірнеше мәрте тазалауға тура келеді. Қазірге дейін полигонға 200 мың текше метр қар шығарылған.