Жыл соңына дейін 6 мың шақырым жылу трассасы жөндеуден өтеді. Ағымдағы және күрделі жөндеуден өткізіліп жатқан жылу жүйесін жаңартуға шамамен 2 млрд теңге бөлінген. Мол қаржыға 30 көпқабатты үйдің жертөлесі мен 23 жылу қазандығы жөнделген. Қазір негізгі жұмыстар Тұрғындар қалашығы ауданы мен 312- атқыштар дивизиясы даңғылында жүріп жатыр. Қалада ескірген жылу құбырларын ауыстыру жұмыстары маусым айында басталды. Биыл 6 мың шақырымға жуық жылу жүйесі күрделі жөндеуден өтіп, жаңартылуы тиіс. Жұмыстардың 50 пайызы аяқталуға жақын. Бұл мақсатқа 2 млрд теңгеге жуық қаражат қарастырылған. Жаңа жылыту маусымы алдында ұзындығы 2 мың шақырымнан асатын 18 құбырдың жұмысы толықтай тексерілмек. Жылыту маусымы басталғанға дейін мамандар сондай-ақ, 23 қазандық пен 6 сорғы бекетіне ағымдағы жөндеу жұмыстарын жүргізбек. Жөндеу жұмыстарын мамандар қазан айына дейін бітіруге уәде етіп отыр. Қалада жалпы жылу трассасы 260 мың шақырымға созылып жатыр. Оның 57 пайызы ескірген. Жаз мезгілінде биыл алғаш рет "Нұрлы жол" бағдарламасы бойынша диаметрі 720 мм болатын жылу желісі жаңасына ауыстырылған. Тозығы жеткендерінің орнына жылу оқшаулағыш құбырлар қолданылады. Бұл құбырлардың жарамдылық мерзімі ұзақ, әрі жылу шығынын азайтады.