Ақтөбеде осы айдың соңында "Ақтөбе-құтты мекен" жерлестер форумы өтеді. Маңызды шараға дайындық жұмыстары қызу жүріп жатыр. Бүгін облыс әкімінің орынбасары Қайрат Бекенов бастаған топ қаладағы ең қымбат қонақ үйлердің бірінде болып, қызмет сапасымен танысты. Бұл ресейлік "Иванушки интернейшнал" тобының әншісі Андрей Григорьев-Апполонов. Өткен аптада Ақтөбеге келген әнші қаладағы ең қымбат қонақ үйлердің бірінде болған. Екі күн жатып, бөлменің дизайны мен қызметкерлердің жұмысын сынға алды. "Номерде телефон жұмыс істемейді, теледидарды қосатын электр розеткасы да жоқ, тоңазытқыштың не үшін тұрғанын түсінбедім",-дейді ол жазбада. Осы оқиғадан кейін жергілікті билік қаладағы қонақ үйлерді тексеруге кірісті. Облыс әкімінің орынбасары Қайрат Бекенов атышулы қонақ үйдің бөлмелерін аралап, қожайынымен сөйлесті. Ақтөбеде 32 қонақ үй бар. Оның 11-і "BOOKING.COM" жүйесіне тіркелген. Яғни шетелдіктер де ғаламтор арқылы осы қонақ үйлерден орын алу мүмкіндігіне ие.