Кеше қаладағы металл қабылдайтын нүктелердің біріне әскери техника тапсырылғаны белгілі болды. 20 тоннаны құрайтын Т-34 танкі үстіндегі айналмалы мұнарасынсыз, қару-жарағынсыз жеткізілген. Танктің иесі кім екені және әскери техниканың қайдан алынғаны әзірге белгісіз. Жауынгерлік машина металл қабылдау орнына 1 млн 6 жүз мың теңгеге өткізілген. Қазір танк қала горнизонының әскери бөлімінде тіркеуге алынып, тексеру жұмыстары жүргізілуде. Әскери техниканы қабылдаған нүкте ассоциация мүшесі болмағаннан кейін "Қазақстанның металл дайындаушылар қауымдастығы" толық мәлімет ала алмай отыр. Әр металл қабылдайтын орында құжаттар тексерілуі керек. Ал аталған техниканы ешқандай құжатсыз қабылдаған металл қабылдау орнының өкілдері жауапқа тартылатын болады. Оқиғаға қатысты әскери тергеу басқармасы тексеріс жүргізуде. Қазір бұл іске әскери тергеу басқармасы, әскери қарсы барлау басқармасы, Ақтөбе гарнизонының әскери полициясы жұмылдырылып, тергеу жұмыстары жүргізілуде. Тергеу барысында танкке қатысты барлық ақпарат егжей-тегжейлі анықталатын болады. Айта кетейік, аталған техника 2-ші Дүниежүзілік соғысқа қатысқан болуы да мүмкін.