Қазақстанда қой еті бір жылда 14 пайызға қымбаттады. Өткен айда елдегі базарлар мен дүкендерде қой еті бір келісі үшін 2 мың 300 теңгеден сатылған. Бұл бір жыл бұрынғыға қарағанда 14,4 пайызға қымбат. Еліміздің ірі қалалары мен мегаполистері арасында ең жоғары баға Нұр-Сұлтан, Алматы және Қарағандыда. Ал бізде қой етінің бағасы бірқалыпты. Бірақ жылқы мен сиыр еті қымбаттаған. Ірі қара етінің бағасына әрі кетсе 50-100 теңге ғана қосылатын. Ал шілде айы басталғалы ет 200-300 теңгеге қымбаттап кеткен. Мысалы, былтыр базардағы сатушылар сиыр етін 1500 теңгеге сатқан. Ал қазір 1700-1800 теңге аралығында.Сатушылар жылқы еті базарға қымбат бағамен түсіп жатқанын айтады. Бағасы жоғары ет өтпейді. Бұрынғыдай емес, алушылар да азайған. Сатушылар былтыр күніне бір жылқының еті өтіп кететін дейді. Ал биыл бір малдың еті бір аптада әрең өтеді. "Табыс" коммуналдық базарында жылқы етінің келісі 2500 теңге. Сиыр еті 1700 теңгеден басталады. Ал "Табыс" коммуналдық базарында қой етінің бағасы бірқалыпты. Биыл елімізде еттің бағасы 16 пайызға қымбаттаса, өткен жылы 14 пайызға өскен.