Ал облыстық кәсіпкерлік басқармасынан өңірде қант жеткілікті деген жауап алдық. Соңғы бір аптада 11 вагон қант жеткізілген. Ол шамамен 700 тоннаны құрайды. Баға тұрақты. Супермаркет желілері мен дүкендерде зауыттан келген қанттың бағасына сатушылар 5 пайыз ғана үстемақы қосып саудалауда, деді басқарма басшысы Нұрхан Тілеумұратов.Алда жеміс-жидектің пісіп, тәтті тосап қайнататын шақ келе жатыр. Осыған байланысты қалада қантқа сұраныс жоғары. Тұрғындар бұрынғыдан да көп сатып алып жатыр, дейді саудагерлер. Ақтөбеде құмшекердің бағасы әр жерде әртүрлі. Супермаркеттерде келісі 440-450 теңгеден болса, шағын дүкендерде 700- ге дейін барады. Ал ірі сауда орындары болса, халық арасында дүрбелең тудырмас үшін қаладағы қантты бір адамға үш келіден артық сатпауда. Ақтөбеде қант бағасы 100 теңгеге қымбаттаған. Ал шағын дүкендер тіпті 150-200 теңге қосқан. Тұрғындар мұны маусымдық құбылыс деп отыр. Ал мамандар тұрақтандыру қорында қант бар. Баға бақылауда деп сендіруде. Әлеуметтік маңызға ие азық-түлік бағасы да арзан емес. Мәселен, қаладағы ірі супермаркеттердің бірінде екі келілік ұн 650 теңгеден жоғары. Ал он келісін алсаңыз 3000 теңгеге жуық ақша төлейсіз. Әлеуметтік сөредегі күріштің келісі 322 теңгеден, ал макарон өнімдері 266 теңгеден жоғары. Күнбағыс майының литрі 800 теңгеге барады.