Қалада қар шығару жұмыстары қарқын алды. Әсіресе ауыр техникалар басты даңғылдар мен ескі қаланың қосалқы көшелерінде қар тазалау жұмыстарына жұмылдырылған. Бүгіндікке Әйтеки би, Уәлиханов, Ломоносов көшелері толықтай тазартылды. Түні бойы жауған ақ ұлпа шаһардағы барлық жүргіншілер жолы мен көлік жолдарын әбден басып салған. "Қардың басын қар алады. Ханның басын хан алады", деген ата сөзі бар. Аппақ қар көшелерді басып салды. Кеше жылы температураға еріп, жол жиектеріне жиналған су түнімен қатып қалған. Ертеңгілік ақ ұлпаның асты көк мұзға айналды. Ауа райының бұл құбылмалы мінезі жаяуға да, темір тұлпар тізгініндегі жүргізушіге де қиындық келтіргені анық.Түні бойы жауған ақ ұлпаны қаланың қар тазалаушы мекемелерінің иелігіндегі техникалар аршып әлек. Ауыр техникалар біраз көшелердің қарын шығарып үлгермей жатқанға ұқсайды. Әдеттегідей Әбілқайыр хан даңғылы, Есет батыр көшелері мен ескі қаланың бірнеше көшелерінде тазалық жұмыстары жүріп жатыр. 8 мердігер мекеменің 100-ге жуық техникасы тәулік бойы қар аршуға кіріскен. Синоптиктердің болжамына сәйкес, қалада демалыс күндері аздаған қар жауады. Боран соғып, күн райы құбылмалы болады. Келесі аптадан бастап күн жылынады.