Қала тұрғыны өзенге секіріп, жүрек талмасынан қайтыс болды
24-ші шілде күні бір қала тұрғыны суға кетіп, қаза тапты. Оқиға Жайсаң елді мекенінде болған. Ауылға қыдырып барған ақтөбелік азамат көлігінен түсе салысымен суға сүңгіп кеткен. Су астында оның жүрегі тоқтап қалған. Құтқарушылар жігіттің мүрдесін 3 минуттан кейін 2 метр тереңдіктен алып шықты. Бұл туралы облыстық суда құтқару қызметі хабарлайды. Суға шомылу маусымы басталғалы облыста 5 адамның ажалы судан болды. 37-сі құтқарылды. Ал жыл басынан бері суға кетіп, көз жұмғандар саны 10 адам.
Количество показов: 3726
Дата создания: 26.07.2012 19:03:27
