«Алақай» қуыршақ театры балаларға «Алтын сақа» қойылымын ұсынды
Балалар спектаклі өңірде қалай өркендеп жатыр? Бүгін қазақ халық ертегілері сахна төрінде жаңаша сипат алды. «Алақай» қуыршақ театры көрерменге «Алтын сақа» қойылымын ұсынды. Ұлттық құндылықтарды дәріптейтін спектакль қалай өтті және ерекшелігі қандай? Қазақ халқының бай мұрасын дәріптейтін жаңа қойылым көрерменге жол тартты. Қаладағы "Алақай" қуыршақ театрында қазақ халық ертегісінің желісімен сахналанған "Алтын сақа" спектаклінің тұсаукесері өтті. Ертегі желісінде бала қиялы мен батырлық рух үндесіп, көрерменді ұлттық ойындарға толы тылсым әлемге жетелейді. Қойылымның авторы - Қазыбек Аманжол. Қоюшы режиссері - Гүлбақыт Қожаева. Режиссердің айтуынша, қойылым - тек алтын сақа туралы емес, баланың отбасымен қарым-қатынасы, достық, адалдық пен ұлттық құндылықтарды арқау етеді. Спектакльдің басты символы - алтын сақа. Ол халықтың рухани мұрасын, жас көрерменге ерлік пен мәрттікті дәріптейді. Одан бөлек, қазақ халқының қазыналары көрініс тапқан. Соның ішінде, жылқы, тазы ит. Кейіпкерлердің арасында ертегілердің басты жағымсыз мифологиялық кейіпкеріне айналған мыстан кемпір де бар. Қойылымда 8 әртіс өнер көрсететті. Бұл - экспериментальды туынды. Қуыршақтардың ойыны мен әртістердің жанды ойыны тоғысқан. Жас көрермендердің бірі Нұрила- театр ерекше әсер сыйлайтынын айтты. Оған "Бауырсақ", "Жеті лақ" ертегілері ұнайды. Жеті лақтың анасының балаларына қамқорлығы тебірентерлік әсер берді, дейді ол. Ал бүгінгі қойылымға өзінің сыныбымен бірге келген. Қойылымға дайындық 1 айға жуық уақытты алған. Басты кейіпкердің басынан кешкен оқиғалары арқылы жас көрермен жақсылық пен жамандықты ажыратуды, мақсатына табандылықпен жетуді үйренеді, дейі қойылым ұжымы. Ал әртістер үшін қиындықтың бірі - ансамбльдік жұмыс. Қойылымда әртістердің бірлігі мен өзара үйлесімін көрсетуге ерекше мән берілген.Количество показов: 12
Дата создания: 26.06.2026 06:05:46
