Алғашқы қоңырау салтанатына оқушылар мен ата-аналар құшақ-құшақ гүлмен барады. Бұл әдемі үрдіс. Ұстазға деген құрмет, ризашылықтарын адамдардай осылай білдіреді. Бірақ, бұрынғыдай ешкім өз қолымен терген гүл сыйламайды. Салондарда талғам мен теңгеге сай гүлдің түрі бар.
Бүгін салондар бұрынғыдан қалған қалдық гүлдерді сатып жатты. Жаңа түсімді барлығы да ертеңнен бастап күтіп отыр. Қаладағы гүл салондарының 1-ші қыркүйекке берген тапсырыстары ертең, арғы күндері жеткізіледі. Ұстазға, мектепке кез келген гүлді, кез келген түсте ала беруге болады дейді салон қызметкерлері. Бастысы, бағасы көңіліңізден шықса болғаны. 1-ші қыркүйекке қарсы гүл бағасын қымбаттатуды да жоспарламайтындарын айтады гүл сатушылар. Бірақ, сұраныс жоғарылаған күні сатып алушылардың өзі де бағаға қарап жатпайды. Қазір салондарда гүлдің бағасы 2-3 мың теңгеден басталады.