Алға ауданында тарихшылар бас қосты
"Тарих тағылым және рухани мұра: Шахмардан хазірет". Бүгін осы атаумен Алға ауданының Қарақұдық ауылдық мәдениет үйінде дөңгелек үстел өтті. Шараның мақсаты- аудан территориясында орналасқан Шәкен ишан мешітінің иесі- діндар-хазірет, медресе оқытушысы болған Шахмардан бабаның өмірін зерттеу, тарихи-рухани мұраны насихаттау. Шәкен Ишанның толық аты-жөні - Шаймерден Әбжанұлы, қадірлі тұлға, имам болған, ол балаларды оқытып, хат жазып үйретіп, халықтың тәлімгері, кеңесшісі болған. Бүгінгі шараның басты мақсаты да сол- көрнекті діни-ағартушы тұлғалардың өмірі мен еңбегін зерделеу және ұлттық құндылықтарды дәріптеу мақсатында тарихшылардың жаңа деректерімен танысу, өскелең ұрпаққа мұра етіп қалдырып, аудан тарихының жаңа бетін жасақтау. Дөңгелек үстелге республикаға белгілі тарихшылар, өлкетанушылар,зиялы қауым өкілдері, мемлекеттік мекемелердің қызметкерлері, қоғамдық ұйымдар өкілдері, жастар Шәкен ишан ұрпақтары қатысты. Іс-шара барысында қатысушылар Шахмардан хазіреттің өмір жолы, ағартушылық қызметі, діни-рухани мұрасы және оның ел тарихындағы орны туралы ғылыми баяндамалар жасап, тарихи деректер мен зерттеулер негізінде пікір алмасады. Сонымен қатар, ұлттық руханиятты сақтау, тарихи сананы қалыптастыру және рухани сабақтастық мәселелері кеңінен талқыланды.Количество показов: 9
Дата создания: 18.07.2026 07:04:06
