Қаңғыған иттер қаптап жүр

Мәншүк Мәметова көшесіндегі 19-үйдің тұрғындары бірнеше күннен бері қаңғыбас иттерден көз ашпай отыр. Тұрғындардың айтуынша, аулада оннан астам ит тұрақтап қалған. Бір үй тұрғыны жануарларға тамақ беріп, енді олар бұл маңнан кетпей, шулап, айналаны шашып жүр. Қорқып отырған тұрғындар әсіресе балалардың қауіпсіздігіне алаңдаулы. Себебі иттер аулада күндіз-түні жүреді, кей адамға үріп, артынан ереді. Қазір тұрғындар тиісті мекемелерге хабарласқан. Мамандар мәселені бақылауға алатынын айтып отыр. Қаңғыбас иттерді ұстау және арнайы органдарға жеткізу жұмыстары кезең-кезеңімен жүргізілмек. Қаңғыбас ит мәселесі Ақтөбе тұрғындары үшін өзекті болып отыр. Мамандардың айтуынша, жыл басынан бері қала бойынша мыңдаған ит ауланып, арнайы органдарға жеткізілген. Дегенмен, мұндай жағдайлар жануарларды бақылаусыз қалдыру және иелерінің жауапсыздығынан туындайды. Сондықтан мамандар тұрғындарға үй жануарларын тіркеуден өткізіп, тиісті ветеринарлық талаптарды орындауға шақырады. Ал әкімдік тарапынан қаңғыбас жануарларды аулау жұмыстары тұрақты түрде жалғасады.
Количество показов: 15
Дата создания: 14.10.2025 10:40:52