Ақтөбеліктер "Таза қала" ЖШС-не 30 млн. теңге берешек. Мекеме мамандарының айтуынша, тұрғындардың арасында коммуналдық қызметке ақшаны мүлдем төлемей отырғандар бар. 25-қаңтардан бастап жауапсыз абоненттермен күрес басталмақ. Олар 31 наурызға дейін мекемеге келіп, қарыздарын өтеулері тиіс. Тазалыққа жауапты мекеме шағын аудандардағы көшелерді кесте бойынша аптасына екі рет тазартып отырады. Қар түскенде жұмыс бригадаларының қызметі артады. "Таза қаланың" қызметі үшін аталған аудандардың әр тұрғыны айына 105 теңге төлеуі тиіс. Мекеме қаладағы 160 мың тұрғынға қызмет көрсетеді.