Ақтөбелік қос ақсақал екі жылда 600 түп шыбық еккен
Ақтөбелік қос ақсақал екі жылда 600 түп шыбық еккен. "Сая" тұрғын алабының тұрғындары ұрпақтарына қымбат дүниеден гөрі тал қалдыруды жөн санайды. Жасыл желектері болашақта үлкен саябаққа айналып, өзгелердің жанына сая болса дейді. Серік Қожымов - Хромтау ауданының тумасы. Қазір қала тұрғыны. Бұрын агроном болып қызмет еткен ол Моңғолиядан да тәжірибе жинап келіпті. Қазір зейнетке шықса да тал егіп, табиғатты түлетуді мұрат еткен. Қазір жасы 73-те. Шаһарды көгалдандырып, ұрпаққа жасыл желек сыйлап жүр. Былтырдан бері отырғызған ағаштары болашақта саябаққа айналып, тұрғындарға сая болсыншы деген ниетте. Ақсақалдың қасында сенімді серігі бар. Қобда ауданының тумасы Юрий Кудинов екеуі былтыр "Сая" тұрғын алабындағы шағын аумаққа 500 түп шыбық екен. Қарағаш пен теректі тең отырғызған. Дегенмен, былтырғы талдардың 10 пайызын жылқы мен қоян жеп кеткен. Биыл орынына тағы 100 түп тал егіпті. Ертең ағаштарды суаруды бастайды. Жасыл желекті көбейтуді өмірлік ұстаным еткен қос қария еңбектерін міндетсінбейді. Дегенмен, "болашақта шенділерден көмек болса" дейді. Себебі, алқапты көгалдандыруға шамамен 5 миллион теңгедей қаржы жұмсаған. Талдарды суару жүйесін, жарықтандыру және бейнебақылау камераларын өз қаражаттарына орнатыпты. Көршілері де қолдау білдірген. Десе де, аумақта түнде жастар, күндіз балалар көп жүреді. Ағаш бұталарын сындырып, зиянын тигізетіндері де жоқ емес екен. Негізінен игі істі былтыр "Менің Ақтөбем" байқауына қатысу үшін бастаған. Бірақ жұмыстары былтыр да, биыл да "байқау талаптарына сай емес" деген жауап алған. Ақсақалдар ісімізді әрі қарай жалғастыра береміз дейді. Жергілікті биліктің көмегінен де үмітті.Количество показов: 5
Дата создания: 29.04.2026 04:25:50
