Бүгін Ақтөбеде педагогтардың республикалық тамыз конференциясы өтті. "Еңбек нарығы және кәсіптік білім: жаңа мүмкіндіктер" тақырыбында ашылған шарада 350 қатысушы бас қосты. Конференцияға ұстаздармен қатар орта арнаулы колледждердің оқытушылары шақырылған. Тамыз кеңесі екі сағатқа созылған жалпы тыңдаудан соң секциялардың жұмысымен жалғасты. Пленарлық бөлімдерде педагогтердің кәсіби құзыреттілігін жетілдіру, аграрлық сектор мамандарын даярлау мәселелері талқыланды. Облысқа жақын маңдағы өңірлерден келген қатысушылар бірнеше білім ордаларында ұйымдастырылған шеберлік сабақтарына қатысты.Жыл сайын жаңа оқу жылы басталар алдында өтетін республикалық педагогтардың тамыз конференциясында білім, ғылым саласының түйткілді мәселелері талқыланды. Биыл әдеттегідей мектептер мен орта арнаулы білім беретін колледждерде техника салаларына көбірек көңіл бөлінеді. Жаңашылдық ретінде жаңа пәндер енгізілмек. 350 педагогтың басын қосқан жиынға Қызылорда облысынан қатысушылар келген. Өзге өңірден тәжірибе алмасу мақсатында келген қатысушыларға пікір алмасу мақсатында арнайы мүмкіндіктер берілді. Бірнеше колледж базаларында шеберлік сабақтарына қатысты. Конференицияда үздік педагогтардың іс-тәжірибелері таныстырылды. Цифрландыру, әлеуметтік әріптестік мәселелері пікірталас алаңдарында кеңінен талқыланды. Республикалық тамыз конференциясының қортынды жиыны алда Нұр-Сұлтан қаласында өтпек.