Ақтөбеде «Мерейлі отбасы» байқауының жеңімпаздары марапатталды
Байқауға Ақтөбе қаласынан 16 отбасы қатысқан. Өтінім 15-мамыр мен 15-маусым аралығында қабылданған. Ақтық сынға 5 отбасы өтті. Қатарында мәдениет, білім саласының сондай-ақ қарапайым жұмысшы отбасылар да бар. Салтанатты жиында жүлдегерлерге 1,2,3ші орындар мен гран-при табысталды. Қазақта "Отан отбасынан басталады»", "Отбасы- шағын мемлекет" деген ұғым бар. Отбасы-тәлім мен тәрбиенің, үлгі мен өнегенің, мейірімділік пен адамгершіліктің ордасы. Отбасы – қоғамның іргетасы, ажырамас бөлігі. Әрбір шаңырақтағы береке түптеп келгенде, тұтас елдің берекесі. Конкурстың негізгі мақсаты – отбасы институтын дамыту, адамгершілік, отбасында, қоғамда рухани-мәдени байланыс орнату, жауапты некенің маңыздылығын насихаттау, ата-аналардың бала тәрбиесіндегі жауапкершілігін арттыру. Байқауға арнайы қазылар тағайындалған. Олар әр отбасыға назар аударады. Қатысушыларға бірқатар талап бойынша баға береді.«Мерейлі отбасы» байқауы 2013 жылдан бері республика көлемінде өткізіліп келеді. Осы жылдар ішінде конкурсқа Қазақстанның барлық өңірінен 20 мыңнан астам отбасы қатысқан. Байқау екі кезеңде, яғни қалалық және облыстық кезеңде өтеді. Байқауға әртүрлі отбасы, оның ішінде көпбалалы отбасылар, ерекше балалары бар отбасылар, ардагерлер, сондай-ақ еңбек адамдары және шығармашыл әулеттер қатыса алады.Бұл жолы назар ортасында қалалық кезеңнің жеңімпаздары болды. Байқау облыстық және республикалық деңгейде де өтеді. Қатысушылар өз әулеттері туралы айтып, жетістіктерімен бөлісті."Ата көрген оқ жонар, шеше көрген тон пішер",- демекші, отбасының мерейін асыратын, абыройын биіктететін білімді, тәрбиелі ұрпағы. Ал әрбір білімді, тәрбиелі ұрпақ мемлекеттің адами бай қазынасы. Сондықтан "Мерейлі отбасы" байқауы еліміздегі әрбір берекелі отбасының қадірін арттырып, қасиетін дәріптеуде орны бөлек жоба десек болады.
Количество показов: 20
Дата создания: 29.07.2025 09:20:50
