Ақтөбеде мәдениет саласының қызметкерлері марапатталды
Бүгін кәсіби мерекелерін мәдениет, өнер және шығармашылық саласында еңбек етіп жүрген жандар атап өтті. Үздіктердің еңбектері бағаланып, құрмет көрсетілді. Аймақ басшысы 30-дан астам қызметкерді марапаттады. Қатарында мәдениет үйлері мен кітапхана қызметкерлері, театр, кино, музей саласының мамандары, әнші, актерлер, түрлі шығармашылық ұжымдар мен өнерпаздары бар.Аймақтағы мәдениет және өнер ұйымдары, мекемелерінің саны 400-ден асады. 3 мыңнан көп маман мәдени өрлеуге үлес қосып жүр. Облыстық мәдениет, архивтер және құжаттама басқармасының басшысы Алтынай Юнисованың сөзінше, мәдениет мекемелерінде барлығы - 30 155 мәдени шара өткен. Келушілер саны - 3 млн.нан асады. Соның бірі - Т.Ахтанов атындағы облыстық драма театры. 5 жаңа қойылыммен толығып, көрермен ықыласына бөленді. Ал, театр актрисалары бүгін марапаттан құр қалмады. ҚР Президентінің Жарлығымен "Ерен еңбегі үшін" медалі әртіс Майра Ілиясоваға табысталды. (ПОРТРЕТ) Майра Ілиясованың әріптесі Жанна Сұлтанқұлова облыс әкімінің Алғыс хатын алды. Екі баланың анасы 17 жылдан бері театрда қызмет етеді. Ұстаз, теле жүргізуші.
Бүгінгі жиында ақтөбеліктер "Ерен еңбегі үшін" медалі, «Еңбек ардагері» төсбелгісі, ҚР «Мәдениет саласының үздігі» төсбелгісі, ҚР Мәдениет және ақпарат министрлігінің Құрмет грамотасы, Алғыс хаты, облыс әкімінің Алғыс хаты және т.б марапаттарға ие болды. Облыстағы жалғыз концерттік ұйым - Ғазиза Жұбанова атындағы облыстық филармония. Мұнда бүгінге дейін 376 мәдени іс-шара өткізілген. Филармония ұжымдарының репертуары 100-ден астам шығармалармен толығып, Ресей, Корея, Башқұрстан елдеріне өнерлерін танытып жүр.Өңірдің мәдениет саласында даму бар. Облыс музейлер қоры тарихи жәдігерлермен толығып, 200 мыңнан астам бірлікке жетті. Алда облыс орталығында жаңа драма театры бой көтереді.
Количество показов: 23
Дата создания: 23.05.2025 12:30:51
