Ақтөбеде ферроқорытпа газын кәдеге жарататын электр станциясы салынуы мүмкін
Ақтөбе ферроқорытпа зауыты жұмыс барысында экологияны ластамауға барынша тырысып бағуда. Бұл үшін зауыт 2023 жылы 2 балқыту цехындағы газ тазарту жүйелерін толық жаңартты. Бүгінде экологиялық стратегия аясында ескі электрлі сүзгілердің орнына жаңа жеңдік сүзгілерін орнатқан. Олар шаңды бұрынғыдан әлдеқайда тиімді қармап, бір сүзгінің өзі 11 700 шаршы метр аумақты тазарта алады. Осындай 3 сүзгі орнатылған. Өндірістің тағы бір қалдығы - қож. Бұрын ол тек қоймаға жеткізіліп, қордалана берсе, қазір ол қайта өңделіп, құрамындағы бағалы металдар алынып, одан қалған қиыршық тас құрылыс жұмыстарына жаратылады. Зауыт 4 цехтен тұрады. 4 жұмыс орнында да тоқтаусыз қызу жұмыс жүріп жатыр. № 4-ші цех заманауи құрылыммен жасалған. Таяуда ферроқорытпа газын кәдеге жарататын электр станциясы да осы цехтың іргесіндегі учаскеге салынады деген жоспар бар. Цех бұған дейін текке жанып кететін ферроқорытпа газынан электр қуатын алып отырды. Бұл ауаға тарайтын көмірқышқыл газының мөлшерін төмендетіп, отын тұтыну мөлшерін азайтатын болады. Зауыт қызметкерлері шаһар экологиясына да елеулі үлес қосып келеді. 2023 жылдан бастап 26 мың түп ағаш еккен. Тек кәсіпорын аумағы ғана емес қалада, Алтын орда ауданы, қатты тұрмыстық қалдықтар полигоны мен Қурайлы елдімекендерін де жасыл желекке айналдырғанын айтады. Шаһарымызда егілген ағаштың 90% жерсініп, жапырақ жайып кеткен. Ал зауыттың санитарлы-қорғау аймағына 18 мың ағаш егілген.Количество показов: 54
Дата создания: 11.09.2025 07:59:46
