Ақтөбеде еліміздегі алғашқы өрт сөндіру жеңдерін шығаратын зауыт ашылды
Аймақта еліміздегі алғашқы өрт сөндіру жеңдерін шығаратын зауыт ашылды. Жоба «O’rt tehnika-Qazaqstan» серіктестігімен жүзеге асырылған. Өнімнің басты ерекшеліктері - су өткізбейтіндігі, жоғары температура мен қысымға төзімділігі. Өрт сөндіру жеңдері жіптен жасалады. Компания басшысының сөзінше, жіп тоқылып, жеңнің қаңқасы жасалады. Кейін су өткізбейтін ішкі қабатпен біріктіріліп, вулканизацияланады. Осылайша ішкі қабатты қаңқаға жабыстырып, дайындалады. Компания 2024 жылы құрылған. Негізгі бағыты - әлеуметтік, әскери және коммерциялық нысандарда, сондай-ақ ҚР Төтенше жағдайлар министрлігінің бөлімшелерінде кеңінен қолданылатын жоғары технологиялық өрт сөндіру жеңдерін өндіру. Өңірдегі индустриялық аймақтан 1 гектар жер бөлінген. Ақтөбеде өндірістің іске қосылуы өңірде жергілікті жоғары технологиялық кластердің қалыптасуына жол ашып, облыстың өнеркәсіптік әлеуетін арттыруға және импортқа тәуелділікті азайтуға мүмкіндік береді. Зауыт басшысының сөзінше, өнімге сұраныс артып, көлемі артса, жұмыс орыны да көбейеді. Болашақта 25 адамды жұмыспен қамту жоспарланған.Количество показов: 55
Дата создания: 06.11.2025 07:22:07
