Биыл облыста 40 миллиард теңгеге 22 технологиялық жоба енгізіледі. 10-нан кем емес кәсіпорын жаңа заманға лайықталады. Тұралап қалған алты кәсіпорын жаңғыртылады. Бұл мақсаттарға инвесторлардың 390 миллиард теңгесі тартылады. Мұндай ақпаратты бүгін облыс әкімі Бердібек Сапарбаев "Экономиканы технологиялық модернизациялау" тақырыбында өткен жиында айтты. Ақтөбе рельс-арқалық зауытындағы жиынға өңірімізге жұмыс сапарымен келген үкімет басшысы Бақытжан Сағынтаев қатысты. Елбасының жаңа нарықтарға кіріп, тауарларды экспорттау жағрафиясын кеңейту қажет деген тапсырмасы бар. Ақтөбе облысы бұл орайда әлемнің 50 мемлекетімен жұмыс жасап отыр. Экспорт осы жылы 10 пайызға артады деген жоспар бар. Бердібек Сапарбаев үкіметтен геологиялық барлау жұмысына жаңа технологияларды енгізуді жеделдетуге көмектесуді сұрады. Сондай-ақ, инвесторлардың келісімшарт бойынша талаптарды орындамауы мәселе тудырып тұр. Осыған жол бермес үшін заң жүзінде шаралар қолдану қажет деген ұсынысын айтты. Ауыл шаруашылығында облыс азық-түлікпен өз-өзін 70 пайызға қамтып отыр. Енді 30 пайыз импортты азайту тапсырмасы тұр. Бұл тек "Нұрлы жер" бағдарламасының бірінші сатысы ғана. Әрі қарай бағдарлама бойынша өңірде 110 тұрғынға есептелген 1 миллион 200 мың шаршы метр үй тұрғызылады. Өңірдің көлік-логистикалық әлеуеті де айтылды. Ақтөбе-Орск, Ақтөбе-Атырау-Астрахань, оңтүстік айналма жолдар құрылысы жүріп жатыр. 250 шақырым тас жол құрылысына жергілікті бюджеттің қаржысы жұмсалады.