Ақтөбе мен Түркістан облыстары туризм саласын бірге дамытуға мүделлі
Түркістан мен Ақтөбе облыстары туризм саласындағы әріптестікті күшейтпек. Ақтөбеде екі өңірдің кәсіпкерлері, туристік компаниялары мен туроператорлары бас қосып, жаңа бағыттар мен бірлескен жобаларды талқылады. Түркістанның туристік әлеуеті жоғары. Қасиетті мекеннің тарихи орындары мен көрікті жерлері жыл сайын саяхатшылардың қызығушылығын арттырып келеді. Кездесу барысында өңірдің туристік бағыттары таныстырылды. Түркістанның көрікті жерлерін тамашалауға биылдыққа әлемнің 20 елінен өзге ұлт өкілдері келген. Олардың ішінде Өзбекстан, Қытай, Франция және Италия, Испания елдерінің азаматтары көп. Мамандар туризмді дамыту үшін өңірлер арасындағы байланысты нығайту маңызды дейді. Әсіресе бизнес-туризм мен түрлі іс-шаралар өткізуге басымдық беруге уақыт келген секілді.Кездесу «Visit Aktobe» мен «Атамекен» кәсіпкерлер палатасының ұйымдастыруымен өтті. Ақ Ақтөбе өңірінің де шетелдіктерге ұсынар ұсынысы жетерлік. Марал шаруашылығы, ұлттық тағамды дәріптейтін «Тары» фестивалі және Сарқырама фесть секілді шаралар бар. Қалада шетелдік саяхаттаушыларға арналған сенсорлық тақта әзірге бір ғана ірі сауда орталығында орналасқан. Алдағы уақытта тағы бір сауда орталығына орнату көзделген. Ал әуежайда сенсорлық тақтаны қайта енгізу жоспарға қойылған. Теміржол вокзалында жақында «Visit Aktobe» орталығы ашылмақ.
Количество показов: 8
Дата создания: 12.09.2026 11:42:58
