Ақтөбе-Мәртөк-Орынбор автожолы жөнделді
«Батыс Еуропа - Батыс Қытай» халықаралық көлік дәлізі бойындағы 100 шақырымдық бұл жол осыдан 13 жыл бұрын салынған. Содан бері жөнделмепті. Оның 34 шақырымы биыл қайта жаңғыртылды. Жуырда республикалық маңызы бар Ақтөбе-Мәртөк-Орынбор тас жолын орташа жөндеу жұмыстары толықтай аяқталды. Автожолдың 34 шақырым аумағында қозғалыс ашылды. Жоба мердігері - «АссанаДорСтрой» серіктестігі. Бұл жол II техникалық санатына жатады. Сонымен қатар, келесі жылы осы автожолда ұзындығы 7,5 км орташа жөндеу жұмыстары жоспарлануда. Жоба құны 2 млрд, 300 млн теңге. Жалпы, биыл облыс аумағындағы он төрт жол учаскесіне жөндеу жүргізілді. Бір ай бұрын «Шалқар-Бершүгір» тас жолының 60 шақырымы қолданысқа берілген болатын. Биыл аймақта 533 шақырым жол жөнделеді. Осы уақытқа дейін оның 350 шақырымы қолданысқа берілді. Жоспарланған жұмыстар жыл соңына дейін толық аяқталады дейді жауаптылар. Ал, Ақтөбе мен Ресей шекарасына дейінгі автомобиль жолының қалған бөлігі келесі жылы жөнделеді.Количество показов: 18
Дата создания: 25.10.2025 08:45:46
