Зауыт жұмысын тоқтатпасын! Ақтөбе мұнай жабдықтары зауытының ұжымы бүгін тағы наразылық акциясын өткізді. Жұмысшылар өндіріс тұралап қала ма деп қорқып отыр. Олар мұндай жайсыз хабарды былтыр жыл соңында естіген болатын. Сондай-ақ, бүгін жиналғандардың жартысына әкімшілік жұмыстан қысқаратындарын ескерткен. Басты тапсырыс беруші «Маңғыстаумұнайгаз» АҚ әрі қарай жергілікті кәсіпорынмен жұмыс жасауға құлық танытпай отыр. Зауыт басшылығы- отандық өнімге қолдау болмай тұрғанын жасырмады.Зауытқа жиналған жұмысшылардың жайсыз жаңалықты естігелі көңіл-күйлері жоқ. Кәсіпорын басшылығы оларға қысқартуға ұшырауы мүмкін екендіктерін негізі былтыр зауыт Жаңаөзенге көшіріледі деген хабар тараған кезде-ақ ескертіп қойған. Бүгінге дейін өндіріс орнының жұмысы ілгерілеп жатқан. Бұл - мұнай өндіруге қажетті сорғылау штангілері мен құбырлар шығаратын еліміздегі жалғыз кәсіпорын. Зауыт мұнай саласына маманданған көптеген ірі компаниялардың сұранысын қанағаттандырып отыр. Кәсіпорын басшысының орынбасары Бауыржан Талдықбаевтың айтуынша, ел нарығының 80 пайыздан астамын қамтамасыз етіп отыр. Сондай-ақ, шетелге өз өнімдерін экспорттап отыр. Ал енді ұжым үлкен еңбекпен тұрғызылған зауыттың құрдымға кетуіне үзілді-кесілді қарсылық білдіріп отыр. Мұндағы жұмысшылардың басым бөлігі зауыт құрылғаннан бастап еңбек етіп келеді. Карантин кезінде де жұмысын тоқтатпаған кәсіпорында қазір жастар көп. Қарапайым жұмысшы болып бастап, бөлім басшысына дейін көтерілгендер бар. Бүгін қаладағы зауыттың жағдайы мәз болмай тұрғанын естігендер жеп отырған нанымыздан айырыламыз, дейді. Солардың бірі -Маржангүл Әжмұратова. Енді жұмыссыз қаламын ба, деген күдігі де жоқ емес. Зауыт басшылығы осы жылы жұмысшылардың жалақысын көтеріп, қуантуды жоспарлап қойғанын жасырмады. Алайда, қос серіктес «Маңғыстаумұнайгаз» АҚ мен «Өзенмұнайгаз» АҚ ұзақ мерзімге келісім шарт жасауға құлық танытпағандықтан бұл жоспар орындалмауы мүмкін. Тіпті жыл басталғалы зауыт ешбір мекемемен келісім шарт жасаспаған.