Ақтөбе қаласына 157 жыл толды

Бүгін - 157 жылдық тарихы бар Ақтөбе шаһарының туған күні. Елек бойында салынатын елді-мекеннің тұрмыс-тірішілікке қолайлы екенін білген Дербісәлі Беркімбаев 1867 жылы сол өңірдегі ру басыларын Ойсылқара әулие басындағы жиында "қала салып, қазақтарды шоғарыландырмаса, болашағамыз болмай қалады" деп жиналғандарды сендірген. Келесі жиналыс 1868 жылдың жазында Қостөбенің қасында Бекқұлы әулиенің басында берілген аста жалғасын тауып, келісім тапқан. Бұдан кейін сол ру басылары Орынборға шақырылып, «қала салынсын» деген құжат қабылданып, 1869 жылы қаланың іргетасы қаланған. Бүгінде қаламыз көркейіп, даму үстінде. Қазіргі таңда жаңа драма театры, заманауи стадион, көпфункционалды спорт аренасы мен 59 гектарлық үлкен саябақ және қажетті нысандар салыну көзделген. Қала әкімі Азамат Бекет барша ақтөбеліктерді мейрамдарымен құттықтады. Қала тұрғындары Ақтөбенің жылдан-жылға көркейіп келе жатқанын айтып, туған қалаларына ізгі тілектерін жеткізді. Көпшілік жастардың айтуынша, оларға Орталық стдаион мен Бірінші Президент атындағы орталық саябақ маңы ұнайды. Тұрғындар қалада жасыл аймақтар мен қазақтың рухани әлемінің көрінісін ашатын орындардың көп болғанын қалайды. Бүгін Ақтөбеде қала күні кең көлемде атап өтіліп жатыр. Қала көшелерінде мерекелік көңіл-күй сезіліп, тұрғындар мен қонақтарға концерттік бағдарламалар мен түрлі мәдени шаралар ұсынылған. Алаңдарда ән мен би кештері ұйымдастырылды. Кешкі гала-концертке қазақтың белігілі әншілері Ерке Есмахан мен Райм, Баянсұлу атымен танымал жас өнерпаз бен Қазыбек Құрайыш шақырылды.
Количество показов: 42
Дата создания: 29.05.2026 05:56:17