Ата-аналар №21-мектеп-гимназия ауласында басталған құрылыс жұмысына қарсы. Олар спорт кешенін тұрғызбақ болған компанияның әрекеті заңсыз деп отыр. Алайда, әкімдік өкілдері басталған құрылыс барлық талапқа да, заңға да сай дейді. Қаладағы №21-ші мектеп-гимназия алаңына талас бірнеше күннен бері жүріп жатыр. Ата-аналар мектептің ауласында басталған құрылысқа үзілді-кесілді қарсы. Біріншіден, тұрғызылатын ғимарат мектепке жапсарласа орналасады. Дене шынықтыру сабағы өтетін стадионның дәл тұсына салынбақ. Бұл жерде қазір ауыр техникалар тұр, қазу жұмыстары жүріп жатын. Балалардың өмірі үшін қауіпті. Екіншіден, бұл жер учаскесі осы маңда тұратын зейнеткерлердің сүйікті демалыс орны болатын. Тұрғындар құрылыс тоқтасын, деп отыр.Ал мердігер құрылыс балалар үшін қауіпсіз деп сендіруде. Оқушыларға кедергі келтірмес үшін құрылыс алаңы қоршалады. Спорт ғимараты 1017 шаршы метр жерді алады. Қалғаны мектеп стадионына тиесілі. Жылдың аяғында балалар үшін жаңа спорт алаңы бой көтереді, үйірмелер ашылады, дейді "Шах" компаниясының басшысы. Бұл дауға енді әкімдік араласпақ. Өйткені, жиналған жұрт прокуратураға шағымданбақшы. Құрылыс тоқтатыла ма, әлде жылдың соңына қарай жаңа ғимарат бой көтере ме, оны көп ұзамай жергілікті билік шешетін болады. Алайда, спорт нысанының жобалық-сметалық құжаты баяғыда бекітіліп қойған. Бюджеттен 324 млн теңге қаражат қарастырылып отыр. Оның 50 млн теңгесі бөлініп те қойған.