5-ші қаңтардан бастап "жасыл" статусы жоқ тұрғындар халық көп шоғарланатын нысандарға кіре алмайды. Яғни сауда және ойын-сауық орталықтарына, сауда үйлеріне, спорт орталықтары мен фитнес-орталықтарға, йога-орталықтарына, караоке, бассейн, сауналарға, моншаларға, "Қазпошта" бөлімшелеріне, Халыққа қызмет көрсету орталықтарына "ASHYQ" қосымшасында тек "жасыл" статусы бар адамдардың кіруіне рұқсат берілмек. Денсаулық сақтау министрінің міндетін атқарушы Жандос Бүркітбаев келер жылдан бастап коронавирусқа қарсы қосымша профилактика шараларын енгізуді ұсынып отыр. Қазақстанда жаңа жылдан кейін қосымша шектеу шараларының енгізілуіне әлемде таралып жатқан "омикрон" штамы себеп болып отыр. Денсаулық сақтау министрінің міндетін атқарушы Жандос Бүркітбаевтың айтуынша, бүгінде коронавирустың бұл штамы 110 елде тіркелген. "Омикронның таралу коэффициенті жоғары, ол бестен бірге тең, қайта жұқтыру қаупі өте жоғары", - деп ескертті министр міндетін атқарушы. Дүниежүзілік денсаулық сақтау ұйымының болжамынша "омикрон" бірнеше ай ішінде бүкіл әлемге таралады. Қазірдің өзінде шаһарда жаңа жылдық кештер өтіп жатқан мейрамхана, кафе, клубтарға келушілер "Ашық" қосымшасы арқылы кіре алады. Елдегі эпидемиологиялық ахуал бүгін үкімет отырысында тағы талқыға түсті. 2022 жылдың І-жартыжылдығында 9 млн адам ревакциналаудан өтуі қажет. Эпидемиологиялық жағдай тұрақты. Коронавирус инфекциясымен ауруханаларға жатқызу және ауыр жағдайлар саны айтарлықтай азайған. Қуантарлығы өңірлердің көбі «жасыл» аймақта. «Сары» аймақта Нұр-Сұлтан мен Солтүстік Қазақстан облысы қалып отыр. Әлемде науқастанудың көбеюін ескерсек, санитарлық-эпидемиологиялық талаптарды сақтауды жалғастыру қажет. Ғимараттарда, қоғамдық көлікте бетперде кию және адамдар көп жиналатын жерлерде әлеуметтік арақашықты сақтау қатаң түрде міндеттеледі», - деді Премьер-Министр Асқар Мамин үкімет отырысында. Қазіргі уақытта елде 9 млн-нан астам адам вакцинаның бірінші компонентін алды. Бұл 18 жастан асқан халықтың 80 пайызына жуығы.