Мамырдың 3-жексенбісі халықаралық ЖИТС-тен қайтыс болғандарды еске алу күні. Өңірде адамның иммун тапшылығы вирусын жұқтырған 3 бала өмір сүріп жатыр. Соңғы 4 айда 18 ақтөбелік АИТВ жұқпасымен тіркелген. Ақтөбеде 430-дан астам адам АИТВ жұқпасымен тіркеуде тұр. 90-ы шетел азаматы. Мамандардың сөзінше, инъекция арқылы жұқпа жұқтырушылар саны азайып, керісінше, жыныстық жолмен ауруға ұшырап жатқандар саны көп. Бүгінге дейін донорлық қан немесе медициналық мекемелерде ауру жұқтырғандар анықталмады. Қазір аймақтағы эпидемиологиялық жағдай қалыпты. АИТВ жұқтырғандар арасында еңбекке қабілетті 20 мен 39 жас аралығындағы жастар көп тіркелген. ВИЧ жұқтырғандардың 76 пайызы. Өңірде адамның иммун тапшылығы вирусын жұқтырған 3 бала өмір сүріп жатыр. Оның екеуі ана құрсағында жатып жұқтырса, біреуіне ана сүтінен жұққан. Шет елге қыдырып барып, ауру жұқтырып келгендер де бар, -дейді мамандар. Тіпті, 60 жасқа келіп АИТВ жұқтырғанын білгендер де кездеседі. Себебі, жұқпаның клиникалық белгілері жоқ. Биыл вирус анықталған 18 адамның арасында бала жоқ. Алтауы ЖИТС орталығына арнайы келіп, қан тапсырған. Қалғандарына учаскелік дәрігерлер жолдама берген. Өңірде 1989 жылдан бері АИТВ жұқпасымен 88 адам қайтыс болған. 23-інің ауруы асқынып, СПИД-ке ұласқан. СПИД аурудың соңғы 4-ші сатысы. Қазір бұл сатыға ауруы жеткен 13 адам орталықта тіркеуде.