250 сарбаз Отан алдындағы борышын өтеуге ант берді

Әуе қорғанысы күштері Әскери институтының "Айбын " әуеайлағында әскери ант қабылдау салтанатты рәсімі өтті. Ақтөбе, Маңғыстау, Батыс Қазақстан, Қызылорда, Атырау облыстары мен Шымкент қалаларынан шақырылған 250 мерзімді жауынгер Отан алдындағы және Қазақстан халқына адал болуға ант берді. Салтанатты шараға Әуе қорғанысы күштері Әскери институтының басшылығы, "аналар жүрегі" сарбаздар аналары комитетінің облыстық филиалының төрағасы Олеся Старых, Қарулы Күштер ардагерлері қоғамының Ақтөбе филиалының төрағасы Қажымұқан Сатенов, сондай-ақ әскери қызметшілердің туыстары мен жақындары қатысты. Ант қабылдағанға дейін әскери қызметшілер жас жауынгердің 24 күндік курсынан өтіп, оның барысында жалпы әскери даярлық негіздерін меңгеріп, әскери жарғылардың талаптарын зерделеп, әскери қызметтің бастапқы дағдыларын алды. Әскери қызметшілер Әуе қорғанысы күштері Әскери институтының кіші авиация мамандарын даярлау Оқу орталығында даярлықтан өтеді. Оқу мерзімі-4 ай және 14 күн. Осы уақыт ішінде олар Қазақстан Республикасы Қарулы күштерінің авиациялық бөлімшелерінде талап етілетін әскери-есептік мамандықтарды меңгереді.
Количество показов: 8
Дата создания: 23.06.2026 06:57:23