Құтты мекен-балалар көзімен

Сурет өнері - ұлт тәрбиесінің өзегі, өнер атаулының ішіндегі көркем де бейнелі руханият қазынасы. Тәуелсіз елдің болашағы болар жас ұрпақты ұлттық дүниетаным негізінде тәрбиелеудің баға жетпес, теңдесіз құралы. Шараға жиналған жас суретшілер де өздерінің қаладағы ең сүйікті жерін ақ параққа түрлі-түсті бояуды қоса отыра бейнеледі.
Ақтөбенің әдемі жерлерін түрлі-түсті бояуға бөлеген Амантай мен Даяна. Көркем сурет лицейінің оқушысы. Қаламызда әдемі жерлер өте көп. Өзіміз күнде серуендейтін стадион, триатлон паркі, Президент саябағы бәрі де әдемі жерлер. Осы жердің бәрін бір параққа сиғызуға тырыстым,-дейді жас талант.Сабина Жисованың да сүйікті қаламызға өз тартуы бар. Ол да Ақтөбенің көрікті жерлерін қағазға түсірген. Алайда, орын алмапты. Еш өкініш жоқ, келесі жолы бағымды тағы сынаймын, деп бекініп отыр. Барлығы 132 жұмыс сынға түскен, соның 21-і жүлделі орындармен марапатталды. Жеңімпаздарды марапаттау кеші Астана саябағында «Есіңде ме есті әндер?» атты ретро-фестиваль ұйымдастырылды. Сонымен қатар жеңімпаз қатысушылардың жұмыстары саябақта арнайы мольберттерге ілініп, көрмеге қойылды.
Сурет өнері тек халықтық болмысты танытып қана қоймайды, сонымен бірге оқушының жеке тұлға ретінде талғамы мен танымының қалыптасуына мол септігін тигізеді,-дейді ұйымдастырушылар. Сондықтан әрбір оқушыны ұлтжанды, отаншыл әрі биік парасат иесі қылып тәрбиелеу үшін сурет өнеріне жастарды баулу- өткен шараның басты мақсаты.

Количество показов: 129
Дата создания: 29.05.2025 00:36:24