Өңірде гепатитке шалдыққан науқастар саны артып келеді

Гепатит - бауырды зақымдайтын жұқпалы дерт. Мамандар соңғы жылдары бұл ауруға шалдыққандар санының айтарлықтай артқанын айтады. Қалада диагнозы расталған науқастар арнайы есепке алынып, тегін ем-доммен қамтамасыз етіледі. Бүгін дүниежүзілік гепатитке қарсы күрес күні. Айтулы датаға орай ақ халаттылармен тілдестік. Гепатит - бұл бауырдың қабынуы, ол көптеген инфекциялық және инфекциялық емес факторлардан, оның ішінде алкогольден, кейбір фармакологиялық препараттардан және болуы мүмкін. Алайда, гепатит көп жағдайда вирустардан пайда болады. Соңғы жылдары өңірде гепатитке шалдыққан науқастар саны артқан. Бүгінде облыстық гепатит орталығы №7 қалалық емхананың базасында жұмыс істейді. Мұнда дәрігер инфекционист, гепатолог пен гастроэнтеролог мамандары науқастарға кеңес беріп, ем жүргізеді. Соңғы үш жылда диспансерлік есепте тұрған науқастар саны үш есеге жуық артыпты. Егер 2024 жылы есепте 800-ден астам адам болса, бүгінде бұл көрсеткіш 1700-ден асқан. Дәрігердің айтуынша, әрбір анықталған жағдай бойынша эпидемиологиялық зерттеу жүргізіліп, аурудың жұғу жолдары анықталады. Дәрігерлер соңғы жылдары медициналық көмектің сапасы жақсарғанын айтады. Ал диагнозы расталған және диспансерлік есепке алынған науқастар міндетті әлеуметтік медициналық сақтандыру жүйесі аясында қажетті дәрі-дәрмекпен толық қамтамасыз етіледі. Ал гепатитті жұқтырмаудың негізгі қағидалары- алдымен, А және В гепатитіне қарсы егілу қажет. Таза су ішіп, көкөністер мен жеміс-жидектерді мұқият жуып, термиялық өңдеуден өткізу қажет. Стерильденбеген құралдармен қолданбау. Ауру көбінесе қатерсіз ағымда сарғаюмен немесе сарғаюсыз өтеді. Клиникалық белгілері интоксикация синдромы түрінде, тұмау тәріздес көріністермен, ішек-қарын бұзылыстарымен, тері жабындыларының және аққабықтың сарғаюымен сипатталады. Сондықтан бойыңыздан мұндай белгілердің біреуін байқасаңыз немесе өзіңізді жайсыз сезінсеңіз, дереу дәрігерге көрінуіңіз керек.
Количество показов: 9
Дата создания: 29.07.2026 00:26:58