Өңірде 51 778 жұмыс орны құрылды
Облыста Жұмыспен қамту жол картасы аясында 51 778 жұмыс орны құрылды. Өңір басшысы Асхат Шахаровтың төрағалығымен өткен аппарат мәжілісінде Жұмыспен қамту жол картасының орындалу барысы қаралды. Жұмыспен қамтуды үйлестіру және әлеуметтік бағдарламалар басқармасының басшысы Ләззат Оразбаеваның айтуынша, бірқатар бағдарламалар бойынша жоспарлар артығымен орындалған. Өңірде Жұмыспен қамту жол картасы аясында 51 778 жұмыс орны құрылды. Жұмыспен қамтуды үйлестіру және әлеуметтік бағдарламалар басқармасының басшысы Ләззат Оразбаеваның айтуынша, бірқатар бағдарламалар бойынша жоспарлар артығымен орындалған. Президенттің "10 мың халыққа – 100 жұмыс орны" бастамасы аясында 12 416 адамды жұмысқа орналастыру жоспарланған еді, іс жүзінде 16 436 жұмыс орны құрылып, жоспар 132%-ке орындалды,- дейді басқарма басшысы. "Дипломмен ауылға" бағдарламасы да жақсы нәтижеге қол жеткізіп, 115 маманның орнына ауылдық жерлерге 318 жас маман жолданған. Жаңа бизнес-идеяларды іске асыру үшін мемлекеттік гранттарды 567 адам алды, бұл жоспарланған 356 адамның 159%-ін құрап отыр. Бұдан бөлек, жекелеген бағдарламалардың артық орындалуына қарамастан, кейбір аудандарда көрсеткіштер жоспардан төмен. Бұл инвестициялардың жеткіліксіздігі, инфрақұрылымдық жобалардың аз болуы. Расында қазір аймақта жұмыссыздық деңгейі қандай? Жұмыс іздеген адам қалаған жұмысын таба алады ма? Қала тұрғындарынан сұрап, ой-пікірлерін білген едік. Ләззат Оразбаева сондай-ақ келер жылы ҚР Еңбек және халықты әлеуметтік қорғау министрлігімен бірлесе отырып, субсидияланатын жұмыс орындарын бөлу тәртібіне өзгерістер енгізу жоспарланғанын айтты. Енді жұмыс берушілер өз қызметкерлерінің жалпы санының 10%-ікөлемінде субсидияланатын жұмыс орындарын ала алады, ал әлеуметтік кәсіпкерлік субъектілері үшін мүмкіндігі шектеулі адамдарға жұмыс орындарын құру лимиті тиісінше 100% және 50% болып белгіленеді. «Біз жұмыссыз қалу қаупі бар әрбір адам туралы алдын ала ойлануымыз керек. Аудан әкімдері жаңа жұмыс орындарын белсенді түрде құрып, инвесторларды тартып, өз жобаларын іске қосуы тиіс. Біздің басты мақсатымыз – еңбек нарығындағы тұрақтылықты сақтау және халыққа лайықты жұмыс мүмкіндігін беру», – деп атап өтті өңір басшысы.Количество показов: 6
Дата создания: 03.12.2025 07:46:02
