Балабақшада жанжал. Заречный елді-мекеніндегі "Құлыным" мемлекеттік-жеке бақшасында жағдай мәз емес. Бүлдіршіндер жерге ұйықтап, бүргеге таланып жүр. Ішек ауруларымен ауыратын балалар көбейген. Таңғы, түскі астың көлемі белгіленген нормадан кем. Сұйық тамақтардың ішінде сүйек қалдықтары болса, күріш, қарақұмықтар мүлдем тазартылмайды. Бұған бақша тәрбиешілері ата-аналарға жіберген мына суреттер дәлел. Ата-аналар бүгін шу шығарды. Әйкерім Шағанбаеваның айтуынша, баласы үйіне аш келеді. Оған қоса үстінен дым жоқ. Бүргеге таланған бүлдіршіндер қазір бақшаға келмей жүр. "Құлыным" жеке бақшасы былтыр қазанда мемлекеттік тапсырыс алып, мемлекеттік-жеке балабақша қатарына енген. 100 орындық. Мектепке дейінгі мекемеде үш топ бар. Төрт тәрбиеші жұмыс жасайды. Қалалық білім бөлімі болған жағдайдан хабардар. Мамандар жеке бақшаның ішкі қазанына негізсіз араласа алмайды. Дегенмен, құзырлы органдарға хат жазып, комиссия құру мәселесін бүгіннен бастап қолдарына алды. Алайда, мән-жайды прокуратураға хабарлау үшін ата-аналар жазбаша шағым түсіруі қажет. Жағдай жауапты мамандардың бақылауына алынды. Ал, бақша "батырларынан" жәбір көрген тәрбиешілер мен ата-аналар тәртіп сақшыларына шағымданды.