Ақпанның 1 мен 7-сі аралығында "Қазақстан ипотекалық компаниясы" ипотекалық ұйымы тұрғын үй бағдарламасы бойынша құжаттар қабылдайды. Көп балалы, толық емес отбасылар, мүгедек балалары бар немесе оларды тәрбиелеп отырған отбасылар, жетім балалар, оралмандар, бюджеттік мекеме қызметкерлері мен әскерилер арыз бере алады. Құжаттарды қабылдау e.gov.kz электронды порталы арқылы жүргізілмек. Тұрғын үйді жалдау ақысы 1 шаршы метрі үшін 918 теңге. Бұл-Жағалау көшесінде орналасқан жаңа үйлер. "Тұрғын үй құрылыс жинақ банкінің" салымшылары үшін жағымды жаңалық бар. 17-25 қаңтар аралығында "Нұр Ақтөбе" ауданында орналасқан үйлерде былтырдан қалған 78 пәтерге арыз қабылданбақ. Бұл шара 17 мен 25 қаңтар аралығында жүргізіледі. Мемлекет тарапынан берілетін жалдамалы пәтерлерде заңды иесі ғана тұруы тиіс. Тұрғын үй қорын есепке алу бөлімінің мамандары рейд жүргізіп жатыр. Үйінде туыстары немесе бөгде адамдар тұрып жатқан болса алдымен ескерту жарияланады, кейін баспанасынан айырылуы мүмкін. Былтыр Ақтөбеде "Қазақстан ипотекалық компаниясы" ипотекалық ұйымы арқылы 1037 адам баспаналы болды. Әлі, қала бойынша үй кезегінде 20 мыңнан астам адам тұр.