Бүгін өңірімізде республикалық "Жолдағы қабылдау" акциясы басталды. Екі күнге созылатын іс-шара аясында полиция қызметкерлері ақтөбеліктерді қабылдап, құқықтық түсіндіру жұмыстарын жүргізеді. Бүгін мамандандырылған халыққа қызмет көрсету орталығының маңындағы автотұрақта орын жоқ. Аула толы адам. Ертелетіп жиналғандардың басым бөлігі көліктерін тіркеуге келгендер. Бүгін таңнан бері 100-ден аса адам құқықтық кеңес алған. Көбісі Армениядан әкелінген автокөлік иелері. Қабылдау орындары қаланың 6 жерінде орналасқан.
Сонымен қатар, тұрғындар полиция департаментінің Policeaktobe инстаграм парақшасында тікелей эфир барысында сұрақтар қоя алады. Сондай-ақ, 8 (7132) 936 - 139 жедел желі нөміріне хабарласуға болады. Айта кетейік, Армениядан әкелінген автокөліктерді 1-ші қыркүйекке дейін тіркеу керек. Бірнеше ай бұрын ескертіліп, айтылса да, асықпайтындар аз емес. Қазір қалада Армениядан әкелінген 400-ге жуық көлік тіркелмеген. Өкінішке орай, мұндай зертханалар Алматы мен Қостанайда бар және бүгін Орал қаласында ашылды. Басқару құралы оң жақтан сол жаққа ауыстырылған автокөліктерді тіркеу 1-ші қарашаға дейін ұзартылды. Ал уақытында есепке алынбаған көлік иелеріне 10 айлық есептік көрсеткіш көлемінде айыппұл салынып, көліктері айып тұрағына қойылады.