Арманыңа қол жеткіз! Бүгін облыс әкімі Оңдасын Оразалин "Капитал Плаза" бизнес орталығында өңірдің жас кәсіпкерлерімен кездесті. Жүздесуде өңір басшысы 16 үздік бизнес жоба иесіне тегін гранттар табыстады. "Арманыңа қол жеткіз!" жобасы жас кәсіпкерлер арасында биыл алғаш рет ұйымдастырылып отыр. Аталған байқауға қала мен аудандардан 72 бизнес жоспар тапсырылған. Жанболат Танкин Байғанин ауданында кәсібін бастағалы отыр. Жас кәсіпкер өңір басшысы жариялаған тегін грантты иеленген. Ең жоғарғы грант- 2 млн теңгеге жас кәсіпкер аудан орталығынан автокөлік жуу бекеті мен оңдау шеберханасын ашқан.
"Арманыңа қол жеткіз!" бизнес жобасы арқылы 16 жас кәсіпкер кәсіптерін бастаған. Жалпы бірнеше ай бойы өткен байқауда 72 жаңа жобалар қаралған. Дегенмен таңдау 16 жобаға түскен.
Жоба жеңімпаздарын марапаттау барысында өңір басшысы жас кәсіпкерлердің жұмысына сәттілік тіледі. Оларды "Менің жас әріптестерім" деп атап өтіп, жетістікке жетудің құпияларын ашып, өз тәжірибелерімен бөлісті. Жүздесу соңында жеңімпаздарға облыс әкімінің атаулы гранты мен алғыс хаттар табысталды.