Көшедегі жабайы сауданы реттеу бойынша жұмыс әлі жалғасып жатыр. Бүгін қалалық кәсіпкерлік бөлімі орталық базар маңында ашық сауда нүктелерін аралап көрді. Көкөністер барлық талапқа сай сатылып жатыр деген қорытынды шығарды. Дегенмен, базарда бірнеше жылдан бері нәпақа тауып жүрген кәсіпкерлер дәл осы сауда нүктесі орналасқан Ахтанов көшесінде қаңғыбастар толып жүр, жағымсыз иіс шығады деп қарсыласты. Наурыз айынан бері қалалық әкімдікте жабайы сауданы тексеру үшін құрылған топ 50 заңсыз сауда нүктесін жойды. Осы уақыт аралығында 80-нен артық тексеру жүргізіліпті. Мың тоннадан астам бұзылған азық-түлік Ағайынды Жұбановтар, Есет батыр, Уәлиханов көшелеріндегі сауда орындарынан алынып, қоқыс полигонына апарылды. Қалада 33 ірі сауда орталығы жұмыс жасайды. Және 30 шағын сауда базары, 9 коммуналды базар бар. Оған қоса алда Шәмші Қалдаяқов көшесі бойында жаңадан сауда қтарлары орнатылмақ.