Отан қорғау-әр ер азаматтың борышы

Бүгін ҚР Қарулы Күштері қатарына өңірдегі алғашқы топ әскери борышын өтеуге аттанды. 40 тан астам азамат Ақтауда орналасқан Әскери-теңіз күштерінде қызмет ететін болады. Бүгін Ақтауға аттанған жас сарбаздардың қатарында ақтөбеліктер ғана емес, басқа да өңірлерден жалпы саны 200ден астам азамат бар.
Отанды қорғау, әр ер азаматтың борышы. Әскери борышты өтеу –жігіттер үшін үлкен сын. 18 жасында үлкен жауапкершілікті түсініп қабылдағандар арасында Мадияр да бар. Әскерге шақыртуды екі күн бұрын алып, өз еркімен әскерге аттанып барады. Мақсатым- болашақта осы салада қызмет ету, дейді. Айта кетейік, биылғы көктемгі әскерге шақыру науқаны аясында 18 бен 27 жас аралығындағы 1200-ден астам ақтөбелікті әскерге шақыру жоспарлануда. Науқан 1-наурыздан 30-маусымға дейін жалғасады.Бүгін болашақ жас сарбаздарды әскерге шығарып салу рәсіміне ата-аналары, туған-туыстары мен дос- жарандары келді. Іс-шарада ер жігіттердің рухын көтеретін патриоттық әндер шырқалды. Әскерге шақырылушыларға естелік сыйлықтар берілді. Әскерге аттанған азаматтар алдағы 1 жылын Отан алдындағы борышын өтеуге арнайды.

Количество показов: 24
Дата создания: 02.04.2025 00:30:28