Жаңа жылды тойлау кезінде өрт қауіпсіздік ережелерін естен шығармаңыз
Жаңа жылдық мерекеге аз уақыт қалды. Кез келген жаңа жыл отшашусыз өтпейтіні рас. Мейрамның нышаны-шыршалар да орнатылады. Статистика бойынша өртттің көбейетін шағы да осы кез. Құтқарушылар қауіпсіздік шараларын еске салып, дабыл қағуда. Пиротехникалық бұйымдардың сапасы мен сертификатталғанына назар аудару керек. Қоғамдық орындарда және үлкен мерекелік шараларда отшашуларды қолданғанда қоршаған ортаға тигізетін әсерін азайту үшін экологиялық таза өнімдерді пайдаланған жөн.Өңірдегі өзен-көлдерде мұз әлі қата қойған жоқ.Облыс құтқарушылары балықшыларды мұз бетінің әлі жұқа екендігін ескертеді. Сол себепті әзірге өзен-көлдердің бетіне шығу қауіпті. Мамандардың айтуынша мұздың қалыңдығы 20 см-ге жеткен кезде ғана оның үстіне алаңсыз шығып балық аулауға болады.Құтқарушылар қазір күшейтілген режимге көшті. Рейд пен тексерулерді көбейтті. Әйтсе де, "Сақтансаң-сақтаймын" деген алтын қағиданы естен шығармай, тұрғындарды қауіпсіздік шараларына салғырт қарамауына шақырады. Облыстың ТЖД жаңа жылдық іс-шараларды өткізуге тартылған 668 нысанды есепке алды.Департаментпен мерекелік іс-шаралар өткізілетін орындарға 668 профилактикалық тексеру жүргізілді. Рейд барысында өрт қауіпсіздігі талаптарын бұзған 450 дерек тіркелді.
Количество показов: 477
Дата создания: 27.12.2024 07:05:25
