Ырғыз ауданы маңында жол апаты болып, бір отбасының 4 мүшесі қаза тапты. Оқиға 16-тамыз күні кешкі сағат жетілерде болған. "Самара-Шымкент" тас жолының Ырғыз ауданы Қалыбай кенті жанында Шалқар ауданының 39 жастағы тұрғыны басқарған «Nissan X-Trail» автокөлігі мен қырғызстандықтың басқаруындағы «Volvo FH460» жүк көлігі түйіскен.
Апаттан «Nissan X-Trail» автокөлігінің жүргізушісі, оның 40 жастағы әйелі 11 жастағы ұлы сол жерде жан тапсырған. Ал 5 жасар ұлы мен 10 жастағы қыздары Ырғыз ауданының орталық ауруханасына жатқызылған. Онымен 5 жасар ер бала ауруханада көз жұмды. «Абайсызда екі немесе одан да көп адамның өліміне әкеп соққан жол ережесін бұзу» бойынша сотқа дейінгі тергеу басталған.