Өткен жылы облыста жедел ішек ауруының 600- ден астам жағдайы тіркелген.Ауырған адамдардың 91,5%-ы 14 жасқа дейінгі балалар. Инфекцияның әсіресе емшектегі балалар арасында тарауына аналарының жеке бас гигиенасын сақтамауы себеп көрінеді. Сондай-ақ, келіншектер сүт қоспаларын сақтау талаптары мен пайдалану мерзімдеріне мән бермейді.
Балаларына вакцина бергізбей жүрген 843 жұпқа былтыр түсіндіру жұмыстары жүргізілген. Нәтижесінде ата-аналар екпе салдыртуға көнген. Дегенмен 2 мыңнан аса ата-ана әлі де балаларын жұқпалы ауруларға қарсы ектіртуге қарсы. Туберкулезге қатысты ахуал тұрақты. Аурудан көз жұму саны 25%-ға төмендеген. Сонымен қатар өткен жылы құтырма ауруымен тіркелгендер болмаған. Дегенмен мамандар жануарлардан қорғануды ескертеді. Ит пен мысық тістеген жағдайда дереу ауруханаға қаралған абзал.