Қалаға республикада өндірілген коронавирусқа қарсы екпе әлі жеткен жоқ. Ресейлік "Спутник Ви" вакцинасын медицина қызметкерлері арасында егу науқаны аяқталуға жақын. Ал, өткен тәулікте өңірде ковид жұқтырған 16 адам анықталды. Науқастардың 14-і вирустың симптомды түрімен ауырған. Оның 13-і қалада, біреуі Хромтау ауданында тіркелген.
Күні кеше коронавирус анықталған 16 адамның алтауы медициналық мекемеге сырқаттанып келген. Кейін белгілі болғандай, олар тапсырған ПТР- тест оң нәтиже көрсеткен. Науқастардың он төрті қала, екеуі Хромтау ауданының тұрғындары. Жалпы облыс бойынша осы уақытқа дейін 4 мыңнан аса адам коронавирус індетін жұқтырды. Қазір 785 адам үй карантинінде, дәрігердің бақылауында. Бас санитар дәрігер сырқаттанғандардың 3%-ы ғана шет мемлекеттен ауру жұқтырып келгенін айтады. Сондай-ақ, қазір облыс бойынша өкпесі қабынған 3 адам емделіп жатыр. Бір науқас жансақтау бөлімінде. Қазір облыста ПТР-тест сынамаларын талдайтын 5 зертхана бар. Ал осы уақытқа дейін өңірде 325 мыңнан астам адамнан ПТР- сынамасы алынған.