Тұрғындар қалашығы ауданында жаңбырдан зардап шеккен 15 пәтерге жөндеу жұмыстары басталды. Пәтер иелеріне келтірілген материалдық залал 20 000 мен 200 мың теңге аралығында. Бүгінде "Байсанат" ЖШС Жеңіс даңғылы №33 үйдің 31-ші пәтерінде жөндеу жұмысын аяқтаған. Қалған пәтерлер осы айдың соңына дейін қалпына келеді.Еске салсақ, демеушілер қаражатына Тұрғын үй қалашығы ауданында 30-дан астам үйге реновация бағдарламасымен жөндеу жұмысын жасауды мойнына алған жеке компания жұмысшылары мамырда бірнеше үйдің шатырын бір мезетте сыпырып алып тастады. 2-3 қатарлы көне үйлердің төбелері бүгінге дейін жабылмай, өткен нөсер жауын кезінде суға кеткен болатын. Нәтижесінде 15 пәтер зардап шекті.
Мердігер компанияларға тапсырыс беруші "Табыс- Ақтөбе" ЖШС өкілі Талап Усмадиннің сөзінше, пәтер иелеріне келтірілген материалдық залал 20 000 мен 200 мың теңге аралығында деп есептелген. Бүгінде "Байсанат" серіктестігі Жеңіс даңғылы №33 үйдің 31-ші пәтерінде жөндеу жұмысын аяқтаған. Серіктес өкілі біткен үйдің жөндеуіне қанша қаржы жұмсалғаны туралы есеп бере алмады. Жеңіс даңғылы №20, №30, №33 үйлер, Махамбетов көшесі №26 үй мен Қаратаев көшесі №11 үйдегі пәтерлер осы айдың соңына дейін қалпына келеді.