Түннен бастап жауған қалың қар ақтөбеліктерді әбігерге салып жатыр
Ақтөбеде көптен күткен қар жауды. Қыс басталғалы қара балшық пен ызғар тартқан жерден мезі болған тұрғындардың қуанышында шек жоқ. Айналадағы ақ ұлпа қарға аунаған балалар да мәз.Әйтсе де, арнайы техникаларға дамыл жоқ. Олар таңғы бестен бері күшейтілген режимде жұмыс істеуге көшкен. Жер үй тұрғындары күрегі мен сыпырғысын алып, қар аршуға кіріскен. Жолдар қардан тазаланып болған соң, оларды инертті материалдармен өңдеу басталады. Техникалардың негізгі бөлігі жолдарды қардан тазарту үшін түнгі және күндізгі кезекшілік бойынша жұмыс істемек. Бригадар Мәскеу, Құрмыш аудандарын да қамтымақ. Қар қалың жауған кезде көлік көп жүретін негізгі көшелер, қоғамдық көлік жолдары, магистральді жолдар, көпірлер, өткелдер бірінші кезекте тазартылады.Количество показов: 365
Дата создания: 16.01.2025 10:00:16
