Ірі сауда, ойын-сауық орталықтары, құрылыс материалдарын сататын ірі дүкендер жұмысын бастады. Ақтөбеліктер бүгінгі ауа райының қолайсыздығына қарамастан сауда үйлеріне ағылуда. Тұрғындар бұл күнді асыға күткендерін жасырмады.
Карантиннің аяқталуын асыға күткен ақтөбеліктер қуаныштарын жасырмады. Бірі киім дүкендерін аралаймыз дейді, енді бірі сауда орындарындағы жұмыстарына оралғандарына дән риза. Бүгіннен бастап карантиндік шектеулер жеңілдетілгенмен, бірқатар нысандар үшін тыйым әлі де сақталуда. Атап айтсақ, ойын-сауық, спорттық, отбасылық және басқа да бұқаралық іс-шараларды өткізуге, сонымен қатар барлардың, түнгі және ойын клубтарының, караоке, фудкорттардың, кинотеатрлардың жұмысына, мәдениет нысандарының, музейлердің қызметіне, конференциялар, көрмелер, форумдар өткізуге, бассейндер, қалалық және қоғамдық жағажайлар, ашық аквапарктердің жұмысына, діни нысандардың жұмысына, қала маңындағы жолаушылар пойыздарының қозғалысына тыйым салынады.