Өрттен сақ болайық! Облыста соңғы айларда бірнеше тұрғын үйді от шарпыды. Салдарынан қаза тапқандар бар. Бірнеше адам зардап шекті. Қызыл жалыннан келген шығын былтырғымен салыстырғанда көп. Бұл туралы бүгін өңірлік коммуникациялар қызметінде өткен брифингте айтылды. Мамандар өрттің шығуына көбіне отты және электр жабдықтарын дұрыс пайдаланбау себеп болатынын атап өтті.
Сондай-ақ, қазір қалада пиротехникалық өнімдердің заңсыз саудалануының алдын алу үшін сауда орындары мен базарларда рейд жүруде. Тұрғындар отшашулар мен петардалар сатып алғанда тауар сетификатын талап етулері керек. Айта кетейік, қалада тек "Паллада" және "Мерген" дүкендерінде пиротехникалық өнімдер сатуға рұқсат етілген.